  |
  
|
話說...前日夜晚為o左執返跌o左落地下o既銀包...
點知...一執起就暈一暈撞o左落個書櫃到...wow...仲要係塊面撞落個櫃突出o既門柄到...當堂紅o左一達...幾痛ar...好彩第二日都冇腫出來同瘀o左...不過今日"禁"落塊面到...原來仲係好痛ar!!!
bad!!!
都係因為食o左藥累事!!!食完藥暈暈地冇乜力...個人都散散地...但我杷信有排食...因為仲係咳得好勁...皮膚敏感又開始喇...就算d咳好返都要再睇皮膚科醫生...
話時話...我都食o左好耐藥...睇來我真係要諗諗辦法...調理一下個身體先得~我唔想下次再撞...
wow...自從上星期病重後開始復原....我都一直係咁咳...哎呀...又咳...
次次燒完喉嚨發炎o既後果都係咳...今次唔知咳幾耐先好...所以冇介口...呵呵...咳死人...不過前幾日食返蛋之後又再皮膚敏感喇...唔通我突然對蛋敏感???...出粒粒都幾痕...but...公司近來有變動...好難先有假放...搞到都唔知幾時再去會一會個皮膚科醫生...呵...(最緊要我仲有幾次chance唔駁俾錢睇ma)...
算喇...而家氣管痕...講多一句都咳死...好再...唔講野係會咳少d~~最緊要唔好整個支氣管炎俾我...唔係我又要睇多幾次醫生...
p.s...雖然唔係sales...但我返份工係成日都要講野...所以...我相信有排都唔好...
呢個幾星期都感冒...仲愈來愈嚴重...但見到公司唔夠人返...都返o左工先...同事話病就唔好返...今日真係唔返喇...因為好唔舒服...前日訓唔著...喉嚨又痛..頭又痛...又發燒...又狂流鼻水...食o左藥都止唔到...
到o左o尋日朝早有時候...所以再睇多次醫生先...發燒101度...喉嚨發炎...比前幾日嚴重...食o左藥因為冇休息o既關係...都冇好過...耳仔再痛...
因為唔退燒...個頭好痛...媽咪幫我買o左退熱貼...涼涼地...不過冇乜用...o尋晚又再好醒訓...訓得o個一個鐘都冇就唔舒服都醒o左...起o左好多次身...每次都去飲暖水...因為喉嚨又痛又熱...
今朝唔返工喇...根本冇力返...唔舒服到極點...食o左藥訓媽咪張床...出o左d汗好返d...不過發冷...成日覺得好凍...唔開風扇都係出得o個dd汗...我估出多少少會好d...同埋仍然好易醒...一醒以為訓o左好耐...原來得o個10分鐘...
而家係呢2日最有精神o既時刻...如果聽日仍然唔退燒又唔舒服...我唔會再勉強自己去返工...點都會再請多一日假休息多d...好而家再去訓下先...
