自f.3開始...因為電視同電腦o既關係近視同散光就開始同我做朋友...

返o左工之後...都因為對電腦太多近視又會增加...好彩人大d...唔會加得太深...不過如果唔帶眼鏡...我又睇唔清楚d野...好多同事同朋友都問我點解唔帶隱形眼鏡...

第一...我唔係唔帶既(只係間唔中出街先會帶)...咁少帶都因為帶o左對眼唔舒服law...第二..我怕洗唔乾淨d隱形眼鏡...所以我帶開one day...不過試過幾隻牌子都好"un"眼...帶一陣對眼已經紅紅地(紅根出到好似紅虫仔咁)...又乾...對cons成日都想跌出來咁...第三...唔帶眼鏡...我對超級黑眼圈真係可以媲美海洋公園入面隻盈盈...眼鏡...遮一遮精神d!!!

另外..鼻敏感其實都幾影響我帶cons...鼻敏感一出...對眼更加唔舒服...有時帶o左cons都會引發鼻倏感...而個視光師都話我對眼都幾敏感...加上...one day一日好貴ar!!!本小姐冇咁多錢去買...唯有同d friend出街街先帶喇...不過都好睇對眼帶唔帶到...

上星期買o左新牌子o既隱形眼鏡..."DAILIES"...做特價個視光師都話呢隻薄所以幾好...買3盒冇散光平均120蚊一位盒...抵過我買ONE DAY ACUVEUO個D好多...不過試完都一般...都係有d un眼...而且...唔知係咪太耐冇帶同薄...帶o左2次..都好難除ar...成5分鐘都未除到...

對!!!我要進修普通話!!!

今日接到一個講普通話o既客...聽我係冇問題既...我完全聽得明個客講乜...但好可惜佢一句都聽唔明廣東話...初初諗住求其幫佢入完錢就算...點知佢竟然request atm咭...哎呀...呢d要解釋入面o既野俾佢聽ga...唯有講普遍話俾佢聽...好彩佢聽得明咋...其實講講下唔識講...講返廣東話佢唔識聽...我竟然彈o左句英文出來...呵呵...突然覺得英文一d都唔難...前排接o左個外國人雖然係驚...但我起碼識講..佢又聽得明...

但呢..........普通話就...唔唔唔...o係學校學得o個1,2年...好彩...都搞得掂個客...d同事都話我講普通話ok wor...梗係...我講得鬼咁快..同事們點聽得切呢?聽落好順兼好正音咁...我講錯o左..我估得個客知...呵呵呵...不過有d字一定錯...因為我講完都知錯o左...呵呵呵呵...

就係咁喇~我要進修普通話~~~不過...幾時再學返就等下喇...有錢有時間有心情就去學喇...但都幾難...因為錢一定缺的!!!!呵~

我今日又犯o左員工大忌喇...

事緣今日早會老細話我地做細既野...因為同事們o尋日做o左一d老細覺得錯o既野...但事實上得老細講冇做細o既講...佢一路講唔停咁...成9點要開門喇!!!今日已經係第2次...我今次醒ga喇..上次我同另一個同事理都唔理佢就閃人..佢就叫我地唔好走聽埋先...我之後好大聲話..."9點喇要開門...o阿...俾人投訴ar"...呵..今次呢..我見佢又o係到講...咁咪俾你講law...之後佢突然話仲有少少時間講多少少野...就o係呢個時候...我終於出聲喇..."老細...冇時間喇...9點要開門喇..."..佢話原來咁晏...我就答到o左好耐ga喇...就搭一tim...呵呵...

當然之後即刻開門喇...個個同事都話我勇...呢d其實唔係勇...我原先唔想理...但...佢咁話我d同事...講d根本唔係事實o既野出來...我唔出聲...條氣唔順ar...尤其我老細唔值佢而家收緊o既人工...cos of 佢都唔做野...有穫就俾晒d細既...

出o左啖氣...好c服...我直轄上司都話我勁!!!....不過炒我會唔會排第1.......

前幾日我幫個同事(D)出頭話另一個同事(M)...我都忍o左(M)好耐ga喇...(D)等o個個衰同事走o左之後同我好fd o既同事講(M)壞話...點知..放工o個陣有人唔知我地o既線人咁o岩o係佢地後面...線人聽到(D)竟然同(M)講話我點解要鬧(M)...又話我好fd o既同事話(P)...

哎呀..知道後我火都黎...幫你仲要話返我轉頭...你自己o係人地背後話人又唔講...下次真係唔駛旨意我幫你口...真係啋你都傻...唔怪得之前d人都話你奸!!!

呵呵呵...呢d係咪叫心亂如麻...